Kami, ang Kabataang Pilipino,
na iniluwal mula sa samu't saring kultura
ngunit nakalikha ng pekulyar na pagkakakilanlan,
makatao, makabayan at makakalikasan,
pinagbuklod ng lahi at diwa,
na naglalakbay tungo sa
ganap na kasarinlan ng Bayan.

Kami, ang Kabataang Pilipino,
Nagmula sa samu't saring kultura
lumikha ng sariling pagkakakilanlan,
makatao, makabayan at makakalikasan,
pinagbuklod ng lahi at diwa,
naglalakbay tungo sa
isang Bayang may ganap na kasarinlan/kalayaan.

Ako, bilang isang kabataang Pilipino
sa Pilipinas tumubo at natutong lumago....
Lilikha ng sariling titulo na babakas sa kaisipan ng mga tao...
di lang makatao, makabayan at makakalikasan kundi sa isip at gawa'y isang tao...
Tayo'y pagbubuklurin ng ating lahi, puso't diwa...
tayo'y sama-samang maglakbay tungo sa
isang ganap na makabagong bayan.. ^_^

(woots gawa ko talaga yan ha... hehehe)

makata ka pala misay maganda ang iyong naipatak dito,
may thread ka ba sa introduction? parang hindi kita nawelcome
palagi din akong wala kaya ako ang iwelcome mo haha.

1. nasagutan mo na po ba ang thread tungkol sa FUTURE ng KP?
nais kong mabasa ang iyong pananaw at kuro-kuro at
kasagutan sa mga tanong na naruon.
mahaba siya pero maganda basahin mo na din sa simula mismo
nakikinikinita kong mayaman ang iyong mga ideya.

2. ang ipinost ni PA kanina ay deliberasyong lumabas mula
sa mga sagot na ipinatak sa nabanggit kong thread sa punto 1.
himayin mo na lang ang kung ano man ang nasa 1st draft,
hindi naman ito tungkol sa kung sino ang gumawa,
hindi kasi to individual pero collective effort ^___^
subalit maganda ang iyong sinulat, tignan mo at ipagkumpara
kung parehas lamang naman ang diwa sa naunang naipatak,
tutukan ang mga salita, kung may nais baguhin mas magandang tunog,
etcetera, o kung may kulang na adhikaing hindi nasabi.

3. paalala sa lahat VISION statement ito, may MISSION statement pa
yun ang mas konkretong hakbang, hintayin nating ipublic viewing ni PA.

4. sinasagot ng pananaw ang mga tanong na, sino tayo? KP;
ano katangian natin? pinaghahalo halo ng ibat ibang kultura
pero may uniquenes; ano karakter natin? makatao, makabayan at makakalikasan.
iniwasan nang komite ang paggamit ng makaDiyos bilang paggalang sa ibang
hindi tiyak sa paniniwala dito, pero itanong natin sa mga sarili natin,
sinakop ba ng makatao, makabayan at makakalikasan ang katangian ng
pagmamahal sa Diyos? pwede naman yata, silipin natin; tapos saan tayo pupunta?
vision ng future: isang Bayang may ganap na kalayaan.


NOTED ang mga sinabi mo kasamang july,
gayahin po natin si kuya july sa pagcomment paki ibang kulay ang babaguhing term
at kung makakapaglagay ng karagdagang paliwanag maganda din.



ang mga ito ay sinummarrize sa tanong sa FUTURE ng KP na thread,
kaya galing sa assembly, at may ilang kasama sa KP na umakong maging
komiteng magiging abala sa pagrerepaso ng mga ito,

subalit ano mang magagawa namin,
ay subject for public opinion pa din mula sa lahat.

ang nasa itaas ay FIRST DRAFT ng VISION. open for public opinion in 3 days,
para sa pagrerepaso ng second draft na ipapasa uli sa kalahatan...

hinihingi po ang kooperasyon ng lahat na magkomento

haba na nito salamat sa lahat
sa iyo din misay!!!!!

*hugs*

sensiya po, hopefully by monday...

kinakalawang utak ko.. friday na kasi.. hehhe.

abot pa naman sa 3days na palugit di ba? heheh.

edit:
minumulto si moderator jhuly.. dinamay si PA.. lagot ka

Kami kabataang Pilipino,
Na kahit lumaki sa ibang bansa
Ay nanatili sa aming puso ang kultura at kaugaliang pilipino,
Magulang man namin ay di parehong Pilipino
Pero, di kami inilayo sa sining at kultura sa aming bansang
pinagmulan

mula sa mga kabataang Pilipino dito sa estados unidos,
“mabuhay ka kabataang pinoy!”


---------ay! Cnxa na ha konti lng alam ko sa tagalong eh
..hehehe pina translate ko pa yan sa mama ko ahehehehehe….

I want to know your reactions. Part of the agenda this coming Saturday is the ratification or the coming-up of the final draft of KP's Vision and Mission Statement.

Please gumawa kayo ng inyong kumento at kung may mga nais na baguhin o idagdag ito ay sabihin upang maging part ng inyong assignment for the drafting.


Pangarap

Kami, ang Kabataang Filipino,
makakalikasan, makabayan at makatao.
Nagmula sa dakilang lahi at mayamang kultura,
magkaka-iba ngunit sa puso at diwa ay nagkaka-isa.
Sama-samang naglalakbay tungo sa isang Bansa,
na may Katarungan, Payapa, at Malaya.


Misyon

Sa gabay ng ginintuang aral ng kultura, kasaysayan at lahi,
at para sa mga Kabataang Filipino,
itinataya namin ang aming mga sarili sa mga sumusunod;
1. Pagbuo ng isang Komunidad
2. Pagtasa at Pagtugon sa kanilang mga damang pangangailangan
3. Pagpapaunlad ng kanilang mga angking kakayahan
4. Paghubog sa kanilang Makabayang Damdamin
tungo sa katuparan ng Bayang aming pinapangarap

okay na po ako dun sa itaas .
sensiya po PA.

maraming salamat po PA.

pero, tanong ko lamang po PA, di ba sa saturday, kung nabanggit sa inyo ni kuya jhuly, dun, pwe-pwedeng pang magdagdag at magkomento tungkol sa pangarap at misyon ng KP po diba? lalo at di makapag-online lagi yung ibang members. at harapang magkuru-kuro para sa ikauunlad ng KP

[b]basta si PA gumawa ok na yan hehehe